Antonio Machado

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Antonio Machado
El poeta Antonio Machado
Información personal
Calendata de naixencia	26 de chulio de 1875
Puesto de naixencia	Sevilla (Sevilla, Andalucía)
Calendata de muerte	22 de febrero de 1939
Puesto de muerte	Cotlliure (Catalunya d'o Norte)
Ocupación	Escritor y poeta
Conchuche	Leonor Izquierdo (1909-1912)

Antonio Cipriano José María y Francisco de Santa Ana Machado Ruiz, conoixito como Antonio Machado, naixito de Sevilla (Andalucía) o 26 de chulio de 1875 y muerto en o exilio en Cotlliure (departamento francés de Pireneus Orientals, en a comarca catalana de Catalunya d'o Norte) o 22 de febrero de 1939, estió un escritor y poeta espanyol, considerato uno d'os millors poetas d'a Literatura espanyola y d'a Literatura en castellano.

Machado puet considerar-se como un escritor d'o Modernismo, encara que tamién como un representant, por a tematica de parte d'a suya obra, centrada en os problemas d'Espanya, como miembro d'a clamata Cheneración d'o 98.